2015 جىلعى 27 اقپان, استانا قالاسى
ەلەكتر ەنەرگياسىنا شەكتى ءتاريفتى جانە ەلەكتر قۋاتىنىڭ ازىرلىگىن ۇستاپ تۇرۋ بويىنشا كورسەتىلەتىن قىزمەتكە شەكتى ءتاريفتى بەكىتۋ
قاعيدالارىن بەكىتۋ تۋرالى
«ەلەكتر ەنەرگەتيكاسى تۋرالى» 2004 جىلعى 9 شىلدەدەگى قازاقستان رەسپۋبليكاسى زاڭىنىڭ 5-بابى 70-5) تارماقشاسىنا سايكەس بۇيىرامىن:
1. قوسا بەرىلىپ وتىرعان ەلەكتر ەنەرگياسىنا شەكتى ءتاريفتى جانە ەلەكتر قۋاتىنىڭ ازىرلىگىن ۇستاپ تۇرۋ بويىنشا كورسەتىلەتىن قىزمەتكە شەكتى ءتاريفتى بەكىتۋ قاعيدالارى بەكىتىلسىن.
2. قازاقستان رەسپۋبليكاسى ەنەرگەتيكا مينيسترلىگىنىڭ ەلەكتر ەنەرگەتيكاسى دەپارتامەنتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋىن;
4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2) جانە 3) تارماقشالارىمەن كوزدەلگەن ءىس – شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ەنەرگەتيكا ۆيتسە-مينيسترىنە جۇكتەلسىن.
4. وسى بۇيرىق قاعيدالاردىڭ 2016 جىلعى 1 قاڭتاردان باستاپ كۇشىنە ەنەتىن 9, 3 جانە 12 تارماقتارىن قوسپاعاندا, العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى ەنەرگەتيكا ءمينيسترى ۆ.شكولنيك.
قازاقستان رەسپۋبليكاسى ەنەرگەتيكا ءمينيسترىنىڭ
2015 جىلعى 27 اقپانداعى №147 بۇيرىعىمەن بەكىتىلگەن
ەلەكتر ەنەرگياسىنا شەكتى ءتاريفتى جانە ەلەكتر قۋاتىنىڭ ازىرلىگىن ۇستاپ تۇرۋ
بويىنشا كورسەتىلەتىن قىزمەتكە شەكتى ءتاريفتى بەكىتۋ ەرەجەسى
1. جالپى ەرەجەلەر
1. وسى ەلەكتر ەنەرگياسىنا شەكتى ءتاريفتى جانە ەلەكتر قۋاتىنىڭ ازىرلىگىن ۇستاپ تۇرۋ بويىنشا كورسەتىلەتىن قىزمەتكە شەكتى ءتاريفتى بەكىتۋ قاعيدالارى (بۇدان ءارى - قاعيدالار) «ەلەكتر ەنەرگەتيكاسى تۋرالى» 2004 جىلعى 9 شىلدەدەگى قازاقستان رەسپۋبليكاسى زاڭىنا (بۇدان ءارى - زاڭ) سايكەس ازىرلەندى جانە جۇكتەمەنى كوتەرۋگە بەلگىلەنگەن تارتىپتە اتتەستاتسيالانعان گەنەراتسيالىق قوندىرعىنىڭ ەلەكتر قۋاتىنىڭ ازىرلىگىن ۇستاپ تۇرۋ بويىنشا جۇيەلىك وپەراتورعا ەنەرگيا ءوندىرۋشى كاسىپورىندارمەن كورسەتىلەتىن ەلەكتر ەنەرگياسىنا شەكتى ءتاريفتى جانە ەلەكتر قۋاتىنىڭ دايىندىعىن ۇستاپ تۇرۋ بويىنشا كورسەتىلەتىن قىزمەتكە شەكتى ءتاريفتى بەكىتۋ ءتارتىبىن انىقتايدى.
2. وسى قاعيدالاردا مىناداي ۇعىمدار پايدالانىلادى:
1) ەلەكتر ەنەرگياسىنا ارنالعان شەكتى تاريف – ەنەرگيا ءوندىرۋشى ۇيىمداردىڭ جاڭا اكتيۆتەردى قۇرۋعا, قولدا بار اكتيۆتەردى جاڭارتۋعا, قولداۋعا, رەكونسترۋكتسيالاۋعا جانە تەحنيكالىق قايتا جاراقتاندىرۋعا ارنالعان ينۆەستيتسيالارىن قارجىلاندىرۋ كوزى رەتىندە ينۆەستيتسيالىق قۇراۋىشىن ەسكەرمەيتىن, ەنەرگيا ءوندىرۋشى ۇيىمدار توبى ءۇشىن ەلەكتر ەنەرگياسىنا ارنالعان بوساتۋ ءتاريفىنىڭ (باعاسىنىڭ) بەكىتىلگەن ەڭ جوعارى شاماسى;
2) ەلەكتر قۋاتىنىڭ ازىرلىگىن ۇستاپ تۇرۋ بويىنشا كورسەتىلەتىن قىزمەتكە ارنالعان شەكتى تاريف – ەلەكتر قۋاتىنىڭ نارىعىنا قاتىساتىن ەنەرگيا ءوندىرۋشى ۇيىمدار ءۇشىن ەلەكتر قۋاتىنىڭ (تەندەرلىك نەگىزدە جاڭادان پايدالانۋعا بەرىلەتىن گەنەراتسيالايتىن قوندىرعىلاردىڭ ەلەكتر قۋاتىن قوسپاعاندا) ازىرلىگىن ۇستاپ تۇرۋ بويىنشا كورسەتىلەتىن قىزمەتكە ارنالعان ەنەرگيا ءوندىرۋشى ۇيىمدار توپتارى بويىنشا بەكىتىلگەن, وتەمدىلىكتىڭ جەتى جىلعا تەڭ نورماتيۆتىك مەرزىمى شەگىندە قولدا بار وندىرىستىك اكتيۆتەردى جاڭارتۋعا, قولداۋعا, رەكونسترۋكتسيالاۋعا جانە تەحنيكالىق قايتا جاراقتاندىرۋعا سالىنعان ينۆەستيتسيالاردىڭ قايتارىمدىلىعىن قامتاماسىز ەتەتىن ءتاريفتىڭ (باعانىڭ) ەڭ جوعارى شاماسى;
3) ۋاكىلەتتى ورگان – ەلەكتر ەنەرگەتيكاسى سالاسىنداعى باسشىلىقتى جۇزەگە اسىراتىن مەملەكەتتى ورگان.
وسى قاعيدالاردا پايدالانىلعان باسقا ۇعىمدار مەن انىقتامالار زاڭعا سايكەس قولدانىلادى.
2. ەلەكتر ەنەرگياسىنا شەكتى ءتاريفتى بەكىتۋ
3. ەلەكتر ەنەرگياسىنا شەكتى تاريف جەتى جىل مەرزىمگە بولىنەتىن مەرزىمدە ەلەكتر ەنەرگياسىن ىسكە اسىراتىن ەنەرگيا ءوندىرۋشى ۇيىمدارمەن توپتارى بويىنشا بەكىتىلەدى جانە جىل سايىن تۇزەتىلەدى.
4. ۋاكىلەتتى ورگان ەنەرگيا ءوندىرۋشى ۇيىمداردىڭ توپتارىن بەكىتەدى.
5. ەنەرگيا ءوندىرۋشى ۇيىمداردىڭ توبى كەلەسى كريتەريلەر بويىنشا قالىپتاستىرىلادى: ەنەرگيا ءوندىرۋشى ۇيىمداردىڭ تيپتەرى, بەلگىلەنگەن قۋاتى, پايدالانىلاتىن وتىن ءتۇرى, وتىننىڭ ورنالاسقان جەرىنەن قاشىقتىعى.
«ەنەرگيا ءوندىرۋشى ۇيىمداردىڭ ءتيپى» كريتەريى بويىنشا ەنەرگيا ءوندىرۋشى ۇيىمدار ەلەكتر ستانتسيالارىنىڭ مىناداي تيپتەرىنە بولىنەدى:
1) كوندەنساتتىق – تەك قانا ەلەكتر ەنەرگياسىن وندىرەتىن ەلەكتر ستانتسياسى;
2) جىلۋ ەلەكتر ورتالىعى – ەلەكتر ەنەرگياسىن وندىرۋمەن قاتار, جىلۋمەن جابدىقتاۋدىڭ ورتالىقتاندىرىلعان جۇيەلەرىندەگى جىلۋ ەنەرگياسى كوزى بولىپ تابىلاتىن ەلەكتر ستانتسياسى;
3) گاز تۋربينالىق - گاز تەكتەس وتىن ءتۇرىن ەنەرگيا كوزى رەتىندە پايدالاناتىن ەلەكتر ستانتسياسى;
4) سۋ ەلەكتر ستانتسياسى – سۋ اعىمى ەنەرگياسىن ەنەرگيا كوزى رەتىندە پايدالاناتىن ەلەكتر ستانتسياسى;
ەنەرگيا ءوندىرۋشى ۇيىمدار «بەلگىلەنگەن قۋات» كريتەريى بويىنشا 100 مۆت-قا دەيىن, 100 مۆت-تان 300 مۆت-قا دەيىن, 300 مۆت جانە ودان جوعارى بولىپ بولىنەدى.
ەنەرگيا ءوندىرۋشى ۇيىمدار «پايدالانىلاتىن وتىن ءتۇرى» كريتەريى بويىنشا كومىرمەن, جەرگىلىكتى گازبەن, يمپورتتالعان گازبەن, مازۋتپەن جۇمىس ىستەيتىندەر بولىپ بولىنەدى.
ەنەرگيا ءوندىرۋشى ۇيىمدار «وتىننىڭ ورنالاسقان جەرىنەن قاشىقتىعى» كريتەريى بويىنشا 500 كم-گە دەيىن, 500 كم-دەن 1000 كم-گە دەيىن, 1000 كم-دەن ودان جوعارى بولىپ بولىنەدى.
6. ەگەر ەنەرگيا ءوندىرۋشى ۇيىمنىڭ قۇرامىنا ءبىر-بىرىنەن ەرەكشەلەنەتىن بىرنەشە ەلەكتر ستانتسياسى كىرەتىن بولسا, وندا اتالعان ەنەرگيا ءوندىرۋشى ۇيىم جەكە توپ بولىپ قالىپتاسادى.
7. ەنەرگيا ءوندىرۋشى ۇيىم ەلەكتر ەنەرگياسىنا بوساتىلاتىن باعانى دەربەس, بىراق ءوزى ەنگىزىلگەن ەنەرگيا ءوندىرۋشى ۇيىمداردىڭ ءتيىستى توبىنىڭ شەكتى تاريفىنەن اسپايتىنداي ەتىپ بەلگىلەيدى.
8. ەلەكتر ەنەرگياسىنا ارنالعان شەكتى تاريفتەر ەنگىزىلگەن جىلدىڭ الدىنداعى ءبىر جىل ىشىندە ەلەكتر ەنەرگياسىن وتكىزەتىن ەنەرگيا ءوندىرۋشى ۇيىمداردىڭ ءتيىستى توبىندا قالىپتاسقان ءىس جۇزىندەگى ەڭ جوعارى باعا ەلەكتر ەنەرگياسىنا ارنالعان شەكتى ءتاريفتى ونىڭ قولدانىلۋىنىڭ ءبىرىنشى جىلىنا ارناپ ايقىنداۋ ءۇشىن بازا بولىپ تابىلادى.
3. ەلەكتر قۋاتىنىڭ ازىرلىگىن ۇستاپ تۇرۋ بويىنشا
كورسەتىلەتىن قىزمەتكە شەكتى ءتاريفتى بەكىتۋ ءتارتىبى
9. ەلەكتر قۋاتىنىڭ ازىرلىگىن ۇستاپ تۇرۋ بويىنشا كورسەتىلگەن قىزمەتكە ارنالعان شەكتى ءتاريفتى ەلەكتر قۋاتىنىڭ ازىرلىگىن ۇستاپ تۇرۋ بويىنشا قىزمەتتەر كورسەتەتىن ەنەرگيا ءوندىرۋشى ۇيىمداردىڭ توپتارى بويىنشا جىلدارعا بولىنە وتىرىپ, جەتى جىلعا تەڭ مەرزىمدە بەكىتىلەدى جانە سالانىڭ ينۆەستيتسيالىق تارتىمدىلىعىن قامتاماسىز ەتۋ قاجەتتىلىگىن ەسكەرە وتىرىپ, جىل سايىن تۇزەتىلەدى.
10. ۋاكىلەتتى ورگان ەلەكتر قۋاتىنىڭ ازىرلىگىن ۇستاپ تۇرۋ بويىنشا قىزمەتتى كورسەتەتىن ەنەرگيا ءوندىرۋشى ۇيىمداردىڭ توپتارىن بەكىتەدى.
11. ەنەرگيا ءوندىرۋشى ۇيىم ەلەكتر قۋاتىن ۇستاپ تۇرۋ بويىنشا كورسەتىلەتىن قىزمەتكە باعانى دەربەس, بىراق ءوزى ەنگىزىلگەن ەلەكتر قۋاتىنىڭ ازىرلىگىن ۇستاپ تۇرۋى بويىنشا قىزمەت كورسەتەتىن ەنەرگيا ءوندىرۋشى ۇيىمداردىڭ ءتيىستى توبىنىڭ شەكتى تاريفىنەن اسپايتىنداي ەتىپ بەلگىلەيدى.
12. ەلەكتر قۋاتىنىڭ ازىرلىگىن ۇستاپ تۇرۋ بويىنشا كورسەتىلەتىن قىزمەتكە ارنالعان شەكتى تاريفتەر ەنگىزىلگەن جىلدىڭ الدىنداعى 1 جىل ىشىندە ەلەكتر ەنەرگياسىن وتكىزەتىن ەنەرگيا ءوندىرۋشى ۇيىمداردىڭ ءتيىستى توبىندا قالىپتاسقان, وتەمدىلىكتىڭ 7 جىلعا تەڭ نورماتيۆتىك مەرزىمى شەگىندە قولدا بار وندىرىستىك اكتيۆتەردى جاڭارتۋعا, ۇستاپ تۇرۋعا رەكونسترۋكتسيالاۋعا جانە تەحنيكالىق قايتا جاراقتاندىرۋعا سالىنعان ينۆەستيتسيالاردىڭ قايتارىمدىلىعىن قامتاماسىز ەتەتىن ەنەرگيا ءوندىرۋشى ۇيىمداردىڭ قاراجاتى ەلەكتر قۋاتىنىڭ ازىرلىگىن ۇستاپ تۇرۋ بويىنشا كورسەتىلەتىن قىزمەتكە ارنالعان شەكتى ءتاريفتى ونىڭ قولدانىلۋىنىڭ ءبىرىنشى جىلىنا ارناپ ايقىنداۋ ءۇشىن بازا (بۇدان ءارى - بازا) بولىپ تابىلادى.
13) ەلەكتر قۋاتىنىڭ دايىندىعىن ۇستاپ تۇرۋ بويىنشا قىزمەت كورسەتەتىن ەنەرگيا ءوندىرۋشى ۇيىمدار ءۇشىن ەلەكتر قۋاتىنىڭ دايىندىعىن ۇستاپ تۇرۋ بويىنشا كورسەتىلەتىن قىزمەتكە شەكتى تاريف مىنا فورمۋلا بويىنشا ەسەپتەلەدى:
Pبار بولعان ورت جىل.i – قولدا بار ورتاشا جىلدىق قۋاتىنىڭ i- سول ەنەرگيا ءوندىرۋشى ۇيىم توپتارىنىڭ مەگاۆاتتقا (مۆت);
Pجىل ەڭ جوع جەكە تۇتi – جەكە تۇتىنۋدىڭ ەڭ جوعارى قۋاتىنىڭ سوماسىنا i- سول ەنەرگيا ءوندىرۋشى ۇيىم توپتارىنىڭ مەگاۆاتتقا (مۆت);
n – ەنەرگيا ءوندىرۋشى كاسىپورىندار توپتارىنىڭ سانى;
ەلەكتر قۋاتىنىڭ ازىرلىگىن ۇستاپ تۇرۋ بويىنشا كورسەتىلەتىن قىزمەتكە شەكتى ءتاريفتىڭ ءبىرىنشى قولدانىلۋ جىلى ەلەكتر ەنەرگياسىن وتكىزەتىن ەنەرگيا ءوندىرۋشى ۇيىمداردىڭ ءتيىستى توبىنىڭ جەكە تۇتىنۋدىڭ ەڭ جوعارى قۋاتىنىڭ سوماسى جانە گەنەراتسيانىڭ قولدا بار ورتاشا جىلدىق قۋاتىنىڭ ءىس جۇزىندەگى ءمانىنىڭ سوماسى 2014 جىل ءۇشىن الىنادى.
ەلەكتر قۋاتىنىڭ ازىرلىگىن ۇستاپ تۇرۋ بويىنشا كورسەتىلەتىن قىزمەتتىڭ شەكتى ءتاريفىنىڭ ولشەمى ملن. تەڭگە/(مۆت*ايىنا) بولىپ تابىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 3 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10627 بولىپ ەنگىزىلدى.